देशातील महान स्वातंत्र्य वीरांचे बलिदान, त्यांची चीरस्मृती विविध सामाजिक, विधायक कार्यक्रमाच्या रूपाने सतेज आणि सजीव राहाव्यात व त्या सत्कारणी लागाव्यात, त्या विविध शैक्षणिक, सांस्कृतिक, अध्यात्मिक व ऐतहासिक उपक्रमाच्या माध्यमातून जोपासल्या जाव्यात या प्रेरक आणि स्फूर्तीदायी प्रामाणिक भावनेतून सन २००५ मध्ये आम्ही काही सेवाभावी कामगारांनी एकत्र येऊन नेताजी सुभाषचंद्र बोस प्रतिष्ठान स्थापन केले. 

पदोपदी सामाजिक जाण व क्षणोक्षणी सामाजिक भान ठेवून मागील तीन दशकापासून पुणे शहरामध्ये लोक सहभागातून आणि लोक योगदानातून अन्याय पिडीत लोकांसाठी व असंघटीत कामगारांसाठी काम करणारी संघटना व प्रतिष्ठान या भावनेने नेताजी सुभाषचंद्र बोस प्रतिष्ठानकडे पहिले जाते. पूर्व पीएमटीच्या व सध्याच्या पीएमपीएमएलच्या कामगार नेतृत्वाच्या रूपाने प्रतिष्ठानचा चालू झालेला प्रवास हा पुणे महानगरपालिकेच्या असंघटीत कंत्राटी कामगारांना न्याय देण्यापर्यंत ठामपणे उभा राहिला व या सर्वांना त्यांच्याच साथीने व सहकार्यान यथोचित न्याय देवून, त्यांचे प्रलंबित प्रश्न मार्गी देखील लावले.